Suriya-Livan sərhədində gərginlik: "Hizbullah" Suriyanın 3 əsgərini edam etdi
Suriya ilə Livan arasındakı sərhəddə Suriya Müdafiə Nazirliyinin qüvvələri ilə Livandakı "Hizbullah" qruplaşması arasında toqquşma baş verib.
Crossmedia.az xəbər verir ki, bu barədə Suriya Müdafiə Nazirliyi qeyd edib.
Məlumata görə, "Hizbullah"a bağlı silahlı dəstə Zeyta bəndi yaxınlığında Suriya ordusunun 3 əsgərini girov götürərək Livan ərazisinə aparıb və orada edam edib. Nazirlik bu hücumu "aqressiya aktı" adlandıraraq cavab tədbirlərinin görüləcəyini açıqlayıb.
Bundan əlavə, ərəb mənbələri Livan ordusunun Hermel bölgəsində bəzi mövqelərdən geri çəkildiyini və bunun Suriya ordusu ilə qarşıdurmadan yayınmaq məqsədi daşıdığını bildirir.
Qeyd edək ki, sərhəd bölgəsində vəziyyət gərgindir.
Fatimə Məmmədova
10:12 17.03.2025
Oxunuş sayı: 675
