Gecə klubunda ölənlərin sayı 59 nəfərə çatıb - YENİLƏNİB
Şimali Makedoniyanın Koçani şəhərində gecə klubunda baş verən yanğın nəticəsində ölənlərin sayı 59 nəfərə çatıb.
Crossmedia.az xəbər verir ki, bunu Şimali Makedoniyanın daxili işlər naziri Pançe Toşkovski deyib.
Ölənlərdən 35-nin şəxsiyyəti müəyyən edilib, onlardan 31-i Koçani şəhərinin, 4-ü Ştip şəhərinin sakinləridir. Onların yaşları 14-27 arasındadır.
Yaralıların sayı 151 nəfərdir.
Şimali Makedoniya Səhiyyə Nazirliyinin məlumatına görə, uşaqlar da daxil olmaqla, 18 yaralının vəziyyəti ağırdır.
Bundan əvvəl 51 nəfərin öldüyü, 118 nəfərin yaralandığı bildirilirdi.
XXX
12:30
Şimali Makedoniyanın Koçani şəhərində konsert zamanı baş vermiş yanğın nəticəsində azı 50 nəfər ölüb.
Crossmedia.az xəbər verir ki, bu barədə yerli “Veçer” nəşri məlumat yayıb.
Ehtimal olunur ki, yanğın pirotexnika səbəbindən başlayıb. Təsdiqlənməmiş məlumata görə, konsert keçirilən gecə klubunun sahibi saxlanılıb.
Bundan başqa, Şimali Makedoniya Daxili İşlər Nazirliyi konsert təşkilatçılarını dindirməyə çağırıb.
Hadisə ilə bağlı digər təfərrüatlar verilmir.
20:56 16.03.2025
Oxunuş sayı: 1486
