Serbiyada Vuciçin istefası tələb olunur – kütləvi etirazlar
Serbiyanın paytaxtı Belqradda prezident Aleksandar Vuciçin istefasını tələb edən kütləvi etiraz aksiyası keçirilib.
Crossmedia.az xarici KİV-ə istinadən xəbər ki , təxminən 500 min insanın iştirak etdiyi aksiyada yollar bağlanıb, ictimai nəqliyyatın fəaliyyəti iflic olub. Şəhərin mərkəzinə polis qüvvələri cəlb edilib.
Etirazlar ötən ilin payızından bəri davam edir. Buna səbəb Novi Sad dəmiryol vağzalında beton örtüyün çökməsi nəticəsində 15 nəfərin həlak olması olub. Vətəndaşlar hökumətdəki korrupsiyanı bu faciəyə görə məsuliyyətli hesab edir, hadisənin ədalətli araşdırılmasını və prezidentin istefasını tələb edirlər.
Serbiya Daxili İşlər Nazirliyinin məlumatına görə, Belqradda keçirilən son etiraz aksiyasında 107 min insan iştirak edib, ciddi insident qeydə alınmayıb.
Mədinə Cəlilova
09:10 16.03.2025
Oxunuş sayı: 815
