Xarici xəbərlər

İranlı iqtisadçı: Dolların məzənnəsi 110 min tümənə çata bilər

İranın Əz-Zəhra Universitetinin professoru, iqtisadçı Hüseyn Rağfər ölkədə dolların məzənnəsinin yaxın zamanda kəskin artacağını proqnozlaşdırıb.

Crossmedia.az xəbər verir ki, o, yerli mediaya verdiyi müsahibədə hazırda xaricdən gətirilən 4 milyard dollar dəyərində qızılın 110-120 min tümən arasında satıldığını bildirib.

Rağfərin sözlərinə görə, bu qızıl sikkəyə çevrildikdə dolların məzənnəsi təxminən 110 min tümən olaraq hesablanır.

İqtisadçı xəbərdarlıq edib ki, mövcud iqtisadi vəziyyətin davam etməsi ölkənin siyasi sabitliyini ciddi şəkildə təhlükə altına sala bilər.

Onun fikrincə, hökumət rəsmiləri ölkənin iqtisadi-siyasi əsaslarını qorumaq və ya mafiya və oliqarx strukturlarının maraqlarına üstünlük vermək arasında seçim etməli olacaqlar.

🖨 Çap et

03:56 16.03.2025

Oxunuş sayı: 1188