Xarici xəbərlər

İsraildən Qəzzaya növbəti hücum: 2-si jurnalist olmaqla 9 nəfər həlak oldu

İsrail ordusunun Qəzza zolağının şimalındakı Beyt Lahiya şəhərinə endirdiyi hava zərbəsi nəticəsində 9 nəfər həlak olub. Ölənlər arasında 2 yerli jurnalistin də olduğu bildirilib.

Crossmedia.az xarici KİV-ə istinadən xəbər verir ki, hücum zamanı bir nəqliyyat vasitəsi hədəfə alınıb. Hadisə nəticəsində maşının içində və ətrafında olan bir neçə nəfər ağır yaralanıb.

Görüş şahidlərinin və digər jurnalistlərin sözlərinə görə, hədəfə alınan avtomobildəki şəxslər Beyt Lahiyadakı “Al-Xair” xeyriyyə təşkilatı üçün çalışırmış. Hücum zamanı onların yanında jurnalist və fotoqrafların da olduğu bildirilib.

Hücum, HƏMAS liderlərinin Qahirədə vasitəçilərlə Qəzzada atəşkəslə bağlı müzakirələr apardığı bir vaxtda baş verib.

Mədinə Cəlilova

🖨 Çap et

02:26 16.03.2025

Oxunuş sayı: 1267