Xarici xəbərlər
Suriyanın Latakiya vilayətində güclü partlayış: Ölənlər var
Suriyanın Latakiya vilayətinin Raml məhəlləsində güclü partlayış baş verib.
Crossmedia.az Suriyanın rəsmi xəbər agentliyi SANA-ya istinadən xəbər verir ki, hadisə nəticəsində 3 nəfər həyatını itirib, 12 nəfər yaralanıb.
Partlayışdan dərhal sonra bölgəyə mülki müdafiə qrupları cəlb edilib.
Yaralılar xəstəxanalara çatdırılıb, hadisə yerində isə axtarış-xilasetmə işləri davam edir.
Partlayışın səbəbi hələlik məlum deyil. Rəsmi qurumlar partlayışın səbəblərini araşdırır.
Hazırda bölgədə təhlükəsizlik tədbirləri gücləndirilib.
21:28 15.03.2025
Oxunuş sayı: 1386
