Xarici xəbərlər

Kanada 19 milyard dollarlıq F-35 müqaviləsindən geri çəkilə bilər

Kanadanın müdafiə naziri Bill Blair ölkəsinin ABŞ-dan F-35 qırıcılarını almaq üçün imzaladığı 19 milyard dollarlıq müqavilədən çıxa biləcəyini və alternativ variantları nəzərdən keçirdiyini bildirib.

Crossmedia.az xarici KİV-ə istinadən xəbər verir ki, Blair 2023-cü ilin iyununda imzalanan müqavilə ilə bağlı açıqlamasında ABŞ prezidenti Donald Trampın Kanadanı tariflərlə təhdid etdiyini vurğulayıb. O, bu səbəbdən ölkəsinin F-35 qırıcılarından imtina edib, başqa mənbələrdən döyüş təyyarələri almaq variantını nəzərdən keçirdiyini deyib.

Blair Kanadanın artıq ödəniş etdiyi və 2026-cı ildə təhvil verilməsi gözlənilən 16 F-35-dən imtina edə bilməyəcəyini, lakin donanmanın qalan hissəsi üçün Avropa istehsalı alternativlərin qiymətləndirildiyini bildirib. O, həmçinin Kanadada təyyarə hissələrinin yığılması ehtimalının da gündəmdə olduğunu qeyd edib.

🖨 Çap et

20:47 15.03.2025

Oxunuş sayı: 846