İstanbulda 102 şagirdin zəhərlənmə şübhəsi
İstanbulun Kartal rayonunda yerləşən özəl təhsil müəssisəsinin 102 şagirdi zəhərlənmə şübhəsi ilə xəstəxanaya müraciət edib.
İlkin ehtimallara görə, şagirdlər nahar zamanı verilən yeməklərdən zəhərləniblər. Belə ki, günorta yeməyində şorba, pizza, makaron və tiramisu yeyən bəzi uşaqlar ürəkbulanma və başgicəllənmədən şikayətləniblər.
Crossmedia.az NTV-ə istinadən xəbər verir ki, hadisə ilə bağlı məlumat daxil olduqdan sonra məktəbə təcili tibbi yardım briqadaları cəlb olunub.
102 şagirddən bəziləri xəstəxanaya təcili yardım maşını ilə aparılıb, digərləri isə özləri gediblər.
Görülən tədbirlərdən sonra uşaqların səhhətinin yaxşı olduğu bildirilib.
Pərvin Hacıyeva
16:15 15.03.2025
Oxunuş sayı: 886
