Zukerberqi ələ salan köynək rekord müddətdə satıldı
Bluesky sosial media platformasının baş direktoru Cey Qraber, SXSW konfransında çıxışı zamanı Meta-nın adını çəkmədən Mark Zukerberqi ələ salıb.
Onun geyindiyi qara köynək, üzərində latınca "Mundus sine Caesaribus" – "Sezarlarsız bir dünya" ifadəsi yazılmışdı.
Qraberin köynəyi, keçən il Mark Zukerberqin geyindiyi və üzərində latınca "Aut Zuck aut nihil" – "Zukerberq ya da heç nə" ifadəsi yazılmış köynəyə bənzəyirdi. Zukerberq bu ifadə ilə özünü Roma diktatoru Yuli Sezarla müqayisə edirdi.
Crossmedia.az saytı xarici mediaya istinadən xəbər verir ki, Bluesky istifadəçiləri Qraberin köynəyinə böyük maraq göstəriblər. Bunun nəticəsində platforma həmin dizaynın nüsxələrini satışa çıxarıb və əldə olunan gəliri öz inkişaf ekosistemini dəstəkləmək üçün istifadə edəcəyini açıqlayıb.
Mütəxəssislər hesab edirlər ki, bu hadisə Bluesky-nin rəqəmsal platformalar arasında mövqeyini gücləndirməsinə və Zukerberqin sosial media sahəsindəki dominant mövqeyinə istehzalı yanaşmasına bir işarədir.
Zeynəb Yunuszadə
16:05 15.03.2025
Oxunuş sayı: 946
