Argentina konqresində gərginlik: Jurnalistlərdən etiraz aksiyası
Argentinada Prezident Xavyer Milei haqqında impiçment prosesinin başlanması cəhdi parlamentdə gərginlik yaradıb. Müxalifət və iqtidar millət vəkilləri arasında mübahisə fiziki qarşıdurmaya çevrilib.
Kriptovalyuta qalmaqalı və impiçment prosesi
Prezident Mileinin adının kriptovalyuta qalmaqalında hallanması parlamentdə mübahisələrə səbəb olub.
Crossmedia.az xəbər verir ki, prezidentin sosial mediada tanıtdığı kriptovalyutanın 94% dəyər itirməsi fonunda müxalifət liderləri onun impiçmentini tələb edib. Lakin iqtidar partiyası prosesi ertələyib.
Jurnalistlərdən etiraz aksiyası
Konqres binasının qarşısında isə jurnalistlər aksiyaya qoşulub. Onlar etiraz aksiyalarını işıqlandıran fotoqraf Pablo Grillonun ağır yaralanmasına reaksiya verərək, fotoaparatlarını konqresin dəmir barmaqlıqlarına asıblar.
Grillo, təqaüdçülərin etiraz aksiyasını çəkərkən polis müdaxiləsi zamanı başına dəyən qaz kapsulu səbəbindən ağır yaralanaraq xəstəxanaya yerləşdirilmişdi.
Mətbuat azadlığı təşkilatları hadisəni pisləyib və jurnalistlərin daha yaxşı qorunması, məsul şəxslərin cavab verməsi üçün çağırış ediblər.
Mədinə Cəlilova
16:34 15.03.2025
Oxunuş sayı: 10181
