Putin və Maduro görüşdü: 9 May Qələbə Gününə dəvət
Rusiya Prezidenti Vladimir Putin və Venezuela Prezidenti Nikolas Maduro video konfrans vasitəsilə görüş keçirib. Görüş zamanı iki ölkə arasında, xüsusilə enerji sahəsində əməkdaşlığın genişləndirilməsi barədə razılıq əldə olunub.
Crossmedia.az xəbər verir ki, Putin, Rusiya və Venesuela arasındakı münasibətlərin strateji tərəfdaşlıq səviyyəsinə çatdığını vurğulayaraq bildirib:
“Strateji tərəfdaşlıq və əməkdaşlıq məsələsində tam razılığa gəldik. Bu anlaşma ikitərəfli əlaqələrimizin inkişafı üçün möhkəm zəmin yaradacaq. 9 may Qələbə günü tədbirlərində sizi Rusiyada görməkdən məmnun olaram.”
Maduro isə iki ölkə arasında əlaqələrin gücləndiyini qeyd edib:
“Xüsusilə enerji sahəsində olmaqla, müxtəlif sektorlarda əməkdaşlığımızı ən yüksək səviyyəyə çıxarırıq. Sizi yenidən Rusiyada görməkdən məmnun olacağam.”
Mədinə Cəlilova
14:46 15.03.2025
Oxunuş sayı: 707
