ABŞ, 43 ölkənin vətəndaşları üçün viza qaydalarını sərtləşdirir
ABŞ hökuməti, aralarında Rusiya və Belarusun da olduğu 43 ölkənin vətəndaşları üçün giriş qaydalarını sərtləşdirməyi planlaşdırır.
The New York Times qəzetinə istinadən Crossmedia.az xəbər verir ki, Vaşinqton, Rus və Belarus vətəndaşlarına tam qadağa tətbiq etməyəcək, lakin yalnız işgüzar məqsədlərlə gələn varlı sahibkarlara viza veriləcək. Turistlər və miqrantlar isə ABŞ-yə buraxılmayacaq.
ABŞ Dövlət Departamenti bu ölkələri üç kateqoriyaya ayırmağı təklif edib:
Tam qadağa tətbiq ediləcək ölkələr: Əfqanıstan, Butan, Kuba, İran, Liviya, Şimali Koreya, Somali, Sudan, Suriya, Venesuela, Yəmən.
Əhəmiyyətli məhdudiyyətlər tətbiq ediləcək ölkələr: Rusiya, Belarus, Eritreya, Haiti, Laos, Myanma, Pakistan, Sierra Livan, Cənubi Sudan, Türkmənistan.
Qismən və ya tam səyahət məhdudiyyətləri tətbiq ediləcək ölkələr: Anqola, Antigua və Barbuda, Benin, Burkina Faso, Kamboca, Kamerun, Kabo-Verde, Çad, Konqo Respublikası, Konqo Demokratik Respublikası, Dominika, Ekvatorial Qvineya, Qambiya, Liberiya, Malavi, Mali, Mavritaniya, Sent-Kits və Nevis, Sent-Lusiya, San-Tome və Prinsipi, Vanuatu, Zimbabve.
Qeyd edək ki, məlumatlara görə, bu siyahı bir neçə həftə əvvəl hazırlanıb və hələ dəyişdirilə bilər.
Mədinə Cəlilova
14:22 15.03.2025
Oxunuş sayı: 902
