Tramp nüfuzlu hüquq firmasına qarşı sərəncam imzaladı
ABŞ Prezidenti Donald Tramp cümə günü Paul, Weiss hüquq firmasının əməkdaşlarının təhlükəsizlik icazələrini dayandıran və onların federal qurumlara çıxışını məhdudlaşdıran icra sərəncamı imzalayıb.
Ağ Evin açıqlamasına istinadən Crossmedia.az xəbər verir ki, sərəncam bu şəxslərin təhlükəsizlik icazələrinin milli maraqlara uyğun olub-olmamasını araşdırmaq məqsədi daşıyır. Federal agentliklərə firmanın iştirak etdiyi hökumət müqavilələrinin ləğvi tapşırılıb.
Paul Weiss Trampın tənqid etdiyi Demokratlarla əlaqəlidir və xüsusi prokuror Robert Müllerin Rusiyayla bağlı istintaqında iştirak edən hüquqşünaslarla bağlılığı var. Həmin istintaq Trampın 2016-cı il seçki kampaniyasında Rusiya ilə əlbirliyini sübut etməmişdi.
Bu, Trampın hüquq firmalarına qarşı verdiyi üçüncü sərəncamdır və hüquq ekspertləri arasında narahatlıq yaradıb.
Mədinə Cəlilova
14:00 15.03.2025
Oxunuş sayı: 7401
