Tayvanda casus qalmaqalı: Keçmiş mayor və HHQ zabiti Çin üçün məlumat sızdırıb
Tayçjun Prokurorluğu dekabrda başa çatan istintaqın nəticələrini açıqlayıb.
Crossmedia.az xarici KİV-ə istinadən məlumat verir ki, hər iki zabit Tayvanın Milli Təhlükəsizlik Qanununu pozmaqda ittiham olunub.
Keçmiş HHQ mayoru, 2008-ci ildə təqaüdə çıxmış Şi adlı zabitin tanışları vasitəsilə Çin kəşfiyyatı ilə əlaqəyə girdiyi və casusluq üçün vernovka edildiyi müəyyən olunub. Şi təşkilatçı kimi çalışıb, yeni agentlər cəlb edib və məxfi hərbi informasiyanı toplayıb.
2021-ci ildə Şi, HHQ-nin döyüş komandanlığında işləyən Xü adlı zabitlə əlaqə yaradıb. O, ABŞ ordusu ilə əlaqələrinin olduğunu iddia edərək Xünü casusluğa cəlb etməyə çalışıb. Əvəzində Çin Xalq Azadlıq Ordusu (PLA) Hərbi Hava Qüvvələrinin Tayvanın HHQ tərəfindən izlənilməsinə dair gizli sənədlər və “Xiongfeng-3” raketlərinin yerləşdirilməsi barədə məlumat istəyib.
Xü, HHQ-nin məxfi tədris sənədlərini və “Xiongfeng-3” raketlərinin döyüş təyyarələrində yerləşdirilməsinə dair konfidensial məlumatları Şiyə ötürüb.
Şi bu məlumatları Çin kəşfiyyatına təqdim edib və qarşılığında 1,5 milyon Tayvan dolları (təxminən 45 000 ABŞ dolları) alıb. O, bu məbləğin 200 000 Tayvan dollarını (təxminən 6 000 ABŞ dolları) Xüyə ötürüb.
İstintaq zamanı hər iki zabit öz günahlarını etiraf ediblər. Bundan sonra prokurorlar onların saxlanılması üçün məhkəmə qərarı alıblar.
Şi 100 000 Tayvan dolları (təxminən 3 000 ABŞ dolları) girov qarşılığında sərbəst buraxılıb.
Qeyd edək ki, Xü isə hələ də həbsdədir.
12:34 15.03.2025
Oxunuş sayı: 757
