Çin Tayvana mümkün hücum üçün xüsusi desant barjaları hazırlayır
Çin Xalq Azadlıq Ordusu (PLA) amfibiya desant əməliyyatlarını gücləndirmək məqsədilə yeni xüsusi barjalar hazırlayır. Bu barjalar, xüsusilə, Tayvana mümkün bir hücum ssenarisində istifadə üçün nəzərdə tutulub.
Crossmedia.az xarici KİV-ə istinadən xəbər verir ki, inşa edilən barjalar ağır texnika və qoşunların sahilə birbaşa çıxarılmasını təmin edəcək. Onlar ənənəvi liman infrastrukturu olmayan və ya zədələnmiş sahələrdə belə sürətli desant əməliyyatlarına imkan verir.
Bundan əlavə, barjaların stabilizasiyası üçün tənzimlənən dayaqlardan (jack-up supports) istifadə edilir ki, bu da onları müxtəlif dəniz şəraitlərində sabit platforma kimi fəaliyyət göstərməsinə şərait yaradır. Analitiklər bu hazırlıqları Pekinin Tayvana qarşı mümkün hərbi ssenarilərinə hazırlıq kimi qiymətləndirir.
10:04 14.03.2025
Oxunuş sayı: 10275
