Putin atəşkəs təklifinə razılıq verdi – ŞƏRTLƏR
Rusiya Prezidenti Vladimir Putin Ukraynadakı müharibə ilə bağlı atəşkəs ideyasına rəsmi şəkildə “hə” desə də, bununla bağlı bir sıra şərtlər irəli sürüb.
Crossmedia.az xəbər verir ki ə, bu barədə BBC məlumat yayıb.
Ekspertlər Putinin bu yanaşmasını “ağıllı diplomatiya” nümunəsi kimi dəyərləndirirlər. Əgər Rusiya lideri atəşkəsə açıq şəkildə “yox” desəydi, bu, Moskva ilə Vaşinqton arasındakı münasibətləri gərginləşdirə bilərdi. Digər tərəfdən, tam razılıq vermək də Kremlin maraqlarına uyğun deyildi, çünki Rusiya cəbhədə üstün mövqeyə malikdir.
Belə ki, Putinin irəli sürdüyü əsas şərtlərdən biri Ukraynanın 30 günlük atəşkəs müddətində hərbi yardım almaqdan, ehtiyatlarını artırmaqdan və döyüşçülərinin rotasiyasından imtina etməsidir. Bundan əlavə, Rusiya lideri Kursk vilayətindəki ukraynalı qruplaşmaların taleyi ilə bağlı məsələyə də toxunub.
Qeyd edək ki, ABŞ-nin dövlət katibi Marko Rubio bundan əvvəl atəşkəs məsələsində qərarın artıq Rusiyanın əlində olduğunu bildirmişdi. Putin isə öz cavabı ilə topu yenidən Ağ Evə qaytarıb.
Fatimə Məmmədova
09:50 14.03.2025
Oxunuş sayı: 719
