Trampdan Qəzza açıqlaması: "Heç kim fələstinliləri deportasiya etmir"
ABŞ prezidenti Donald Tramp fələstinlilərin Qəzzadan deportasiya edilməsi ilə bağlı yayılan məlumatlara cavab verib.
Crossmedia.az xarici KİV-ə istinadən xəbər verir ki, Tramp Ağ Evdə İrlandiyanın baş naziri Maykl Martini ilə görüşüb.
Görüş zamanı mətbuat qarşısında jurnalist Martinə “Prezident Trampın fələstinliləri Qəzzadan köçürmək planını onunla müzakirə edirsinizmi?” sualını verib. Tramp isə məsələyə müdaxilə edib və öz sualını cavablandıraraq bu ifadəni işlədib: "Heç kim fələstinliləri deportasiya etmir".
Qeyd edək ki, Trampın Qəzza zolağında fələstinlilərin məcburi köçürülməsi və bu şəxslərin Misir və İordaniya kimi qonşu ölkələrə göndərilməsi təklifi İsrailin ifrat sağçı siyasətçiləri tərəfindən dəstəklənib. Bu təklifə əsasən, fələstinlilərin bölgədən deportasiya edilməsi məsələsi gündəmə gəlmişdi.
Gülbəniz Səfərova
00:41 14.03.2025
Oxunuş sayı: 11790
