Bu ölkədə "TikTok" 1 il müddətinə qadağan edildi
Albaniya hökuməti ölkə daxilində "TikTok" sosial şəbəkəsinə girişin 1 il müddətinə məhdudlaşdırılması barədə qərar qəbul edib. Bu qərar kibertəhlükəsizlik və sosial media üzərindən yayılan zorakılıq halları ilə əlaqələndirilir.
Crossmedia.az "Sabah"a istinadən xəbər verir ki, Milli Kibertəhlükəsizlik Agentliyi (AKSK) Elektron və Poçt Rabitə Agentliyinə (AKEP) müraciət edərək "TikTok"a girişi əngəlləmək üçün tədbirlər görməsini tələb edib. Hökumət rəsmilərinin bildirdiyinə görə, qadağa bu gündən etibarən qüvvəyə minib. Baş nazir Edi Rama hadisədən sonra verdiyi açıqlamada bildirib: "Ölkədə gənclərin təhlükəsizliyini təmin etmək üçün bu addımı atmaq məcburiyyətindəyik."
Xatırladaq ki, 2024-cü ilin noyabrında Albaniyanın paytaxtı Tirandakı Fan Noli İbtidai məktəbində 14 yaşlı Martin Cani bıçaqlanaraq öldürülüb. Hadisənin məktəblilər arasında "TikTok"da baş verən mübahisədən qaynaqlandığı iddia edilib.
Qeyd edək ki, Nazirlər Şurasının ötən həftə keçirilən iclasında "TikTok"un 1 il müddətinə bağlanması qərarı rəsmən təsdiqlənib. Məhdudiyyət 2025-ci ildə qüvvəyə minib və platformaya giriş rəsmi olaraq bağlanıb.
Gülbəniz Səfərova
05:56 14.03.2025
Oxunuş sayı: 8910
