Abbas Əraqçı: Amerikanın təzyiq göstərdiyi bir şəraitdə danışıqlara girsələr…
İran və ABŞ artıq vasitəçilər ilə nüvə proqramı barədə danışıqlar aparır.
Crossmedia.az “Tasnim News”a istinadla xəbər verir ki, bu barədə İranın xarici işlər naziri Abbas Əraqçı məlumat verib.
“Bizim nüvə məsələləri üzrə mümkün danışıqlarla bağlı planımız və düşünülmüş strategiyamız var. Danışıqlar vasitəçilər vasitəsilə davam edir və üç Avropa ölkəsi - Britaniya, Almaniya və Fransa ilə də qarşılıqlı əlaqə kanalı saxlanılır”,- deyə nazir bildirib.
Abbas Əraqçı ABŞ Prezidenti Donald Trampın “maksimum təzyiq” siyasətinə cavab olaraq bildirib ki, qarşı tərəfin (Amerika) təzyiq göstərdiyi bir şəraitdə danışıqlara girsələr, heç nəyə nail olmayacaqlar.
Nəzrin Salmanova
19:30 13.03.2025
Oxunuş sayı: 11815
