Bu ölkələrin səfirləri İran XİN-ə çağırılıb
Britaniya, Fransa və Almaniyanın səfirləri İran Xarici İşlər Nazirliyinə çağırılıb.
Crossmedia.az İSNA agenyliyinə istinadla xəbər verir ki, buna səbəb üç ölkənin ABŞ-la Təhlükəsizlik Şurasının (TŞ) mexanizmindən istifadə edərək, İranın “sülhməramlı” adlandırdığı nüvə proqramı ilə bağlı qapalı iclas keçirməsinə etirazı olub.
Məlumata görə, görüşdə səfirlərə İranın nüvə fəaliyyətlərinin “Birgə Hərtərəfli Fəaliyyət Planı” ilə ziddət təşkil etmədiyi bildirilib.
Eyni zamanda, Tehranın nüvə proqramı ilə bağlı TŞ-nin qapalı iclasının keçirilməsi heç bir hüquqi əsasa malik olmadığı vurğulanıb.
Qeyd edək ki, İran XİN-nin iddia etdiyinə görə, 3 Avropa ölkəsinin ABŞ-nin BMT Təhlükəsizlik Şurasının iclasının keçirilməsi ilə bağlı “əsassız istəyinə” əməl etməsi TŞ-nin 2231 saylı qətnaməsini pozmağa bərabərdir.
Nəzrin Salmanova
19:24 13.03.2025
Oxunuş sayı: 10414
