Milli Məclisin sədr müavini Rafael Hüseynov Padarçöl sahəsindəki təsərrüfatla tanış olub
Milli Məclisin sədr müavini, Nizami Gəncəvi adına Milli Azərbaycan Ədəbiyyatı Muzeyinin direktoru akademik Rafael Hüseynov “Agro Dairy” Məhdud Məsuliyyətli Cəmiyyətinin Hacıqabul rayonu Padarçöl sahəsindəki təsərrüfatı ilə tanış olub.
Akademik Rafael Hüseynova istehsal prosesinin daha da təkmilləşdirilməsi istiqamətində görülən işlər barədə ətraflı məlumat verilib. Bildirilib ki, ölkəmizin kənd təsərrüfatı həyatında son illərdə “Agro Dairy” Məhdud Məsuliyyətli Cəmiyyəti getdikcə daha artıq yer tutmaqdadır. İşini ən müasir texnologiyaların tətbiqi və elmi əsaslarla quran "Agro Dairy"nin respublikanın bir çox rayonlarında təsərrüfat sahələri vardır.
Diqqətə çatdırılıb ki, "Agro Dairy"nin Prezident İlham Əliyevin iştirakı ilə açılmış aqroparkı regionlarda kənd təsərrüfatı infrastrukturunun yaxşılaşdırılması, müasir texnika və innovasiyaların tətbiqi baxımından nəzərəçarpacaq faydalarını verməkdədir.
Rafael Hüseynov müəssisənin işi ilə tanışlıqdan sonra ağacəkmə aksiyasında iştirak edib.
18:36 13.03.2025
Oxunuş sayı: 14366
