Apreldə müharibə olacaq? - "Ermənistanın mövcudluğu təhlükə altına düşəcək"
"Ermənistan özünü beynəlxalq ictimaiyyətə sülhpərvər kimi göstərməyə çalışır. Rəsmi İrəvan elə fikir yaratmağa çalışır ki, guya sülhə mane olan Azərbaycandır. Halbuki Azərbaycanın haqlı, ədalətli və konkret mövqeyi var. Ermənistan konstitusiyasında Azərbaycana və Türkiyəyə qarşı ərazi iddiaları mövcuddur. Bu iddialar qanunvericilik səviyyəsində aradan qalxmadıqca sülh olmayacaq. Həmçinin Qazaxın üç və Naxçıvanın bir kəndi hələ də işğal altındadır. Delimitasiya və demarkasiya prosesi Azərbaycanın haqlı tələblərinə uyğun davam etdirilməlidir".
Bu sözləri Crossmedia.az-a geniş müsahibəsində Milli İstiqlal Partiyasının sədri, Milli İstiqlal Partiyasının sədri Arzuxan Əlizadə Ermənistanı apreldə müharibəyə başlayacağına dair iddialara münasibət bildirərkən deyib.
"Ermənistan 2020-ci il 10 noyabr kapitulyasiya aktının şərtlərinə əməl etməli, o cümlədən kommunikasiya xətlərinin açılmasına razı olmalıdır. Sülh sazişi üçün bizim beynəlxalq hüquqa əsaslanan tələblərimiz yerinə yetirilməlidir. Amma Ermənistan havadarlarının təhriki ilə revanşist addımlara cəhd etsə, ən çox özü ziyan çəkəcək. Bu gün Ermənistanda praqmatik düşüncəyə malik siyasətçilər, politoloqlar var. Onlar deyirlər ki, Azərbaycan və Türkiyə ilə anlaşmasaq Ermənistanın taleyi qaranlıq olacaq. Əgər Ermənistan eskalasiya yolunu tutsa, mövcudluğu təhlükə altına düşəcək. Onlar bunu anlamalıdır. Prezident İlham Əliyevin yanvarın 7-də yerli KİV-ə müsahibəsində dediyi kimi, bizim səbrimiz tükənməz deyil", - o bildirib.
Kənan Novruzov
Müsahibənin tam versiyasını aşağıdakı linkdən oxuya bilərsiniz:
https://crossmedia.az/az/article/21877
19:00 12.03.2025
Oxunuş sayı: 1242
