Paşinyan Rusiyaya yaxınlaşmaq üçün addımlar atır
Ermənistan Baş naziri Nikol Paşinyan Rusiyaya yaxınlaşmaq üçün yeni addımlar atır. Bu səbəbdən "Avroreferendum" layihəsi iki ay təxirə salınıb və Moskva ilə institusional əlaqələrin bərpası istiqamətində tədbirlər görülür. Bu barədə “Hraparak” qəzeti məlumat yayıb.
Nəşr yazır ki, Rusiya Paşinyanın səmimiyyətinə şübhə ilə yanaşır. Rusiya Federasiya Şurasının spikeri Valentina Matviyenkonun Ermənistana səfərinin təxirə salınması da Moskvanın İrəvanın atdığı addımları yoxlamaq istəyi ilə bağlıdır.
Crossmedia.az saytı xarici mediaya istinadən xəbər verir ki, ilkin razılaşmaya əsasən, Matviyenkonun fevralın sonunda Ermənistana səfəri gözlənilirdi, lakin sonradan səfərin 5-6 iyuna ertələndiyi bildirilib. Rusiya tərəfi Paşinyanın 9 mayda Moskvada Qələbə Gününə həsr olunmuş tədbirlərdə iştirak edib-etməyəcəyini izləyir. Hökumət mənbələri onun bu tədbirdə iştirak edəcəyini istisna etmir. O, 2023-cü ildə bu tədbirə qatılıb, həmçinin 2024-cü ilin 8 mayında Aİİ sammitində iştirak edib.
Bundan əvvəl, 17-18 aprel tarixlərində Ermənistan parlamentinin sədri Alen Simonyan MDB Assambleyasının 80 illik Qələbəyə həsr olunmuş sessiyasında iştirak üçün Rusiyaya səfər edəcək. Həmçinin, Dövlət Dumasının sədri Vyaçeslav Volodinin Ermənistana səfəri ilə bağlı danışıqlar aparıldığı bildirilir.
Bundan əlavə, may ayına qədər Kapan (Qafan) şəhərində Rusiya konsulluğunun açılması planlaşdırılır.
Zeynəb Yunuszadə
11:26 12.03.2025
Oxunuş sayı: 816
