Azərbaycan Fələstində 600 şagirdlik məktəb inşa edəcək
Azərbaycanın xarici işlər naziri Ceyhun Bayramov Fələstinin Nablus şəhərində 600 şagirdlik məktəb tikiləcəyini açıqlayıb.
Crossmedia.az xəbər verir ki, bu barədə nazir İslam Əməkdaşlıq Təşkilatının Ciddədə keçirilən fövqəladə toplantısında çıxışı zamanı bildirib. O, Qəzzadakı humanitar böhran, günahsız insanların ölümü və infrastrukturun dağıdılmasının ciddi narahatlıq doğurduğunu vurğulayıb.
Bayramov münaqişənin beynəlxalq hüquq çərçivəsində, iki dövlətli həll prinsipinə uyğun şəkildə həll edilməsinin vacibliyini qeyd edib.
Bildirək ki, o, Azərbaycanın Fələstinə 2 milyon dollar yardım etdiyini və 15 fələstinli tələbəyə “Heydər Əliyev Beynəlxalq Təhsil Təqaüdü” veriləcəyini deyib.
Fatimə Məmmədova
17:00 09.03.2025
Oxunuş sayı: 1628
