ABŞ ordusunda qalmaqal: hərbiçilər məxfi məlumatı Çin hökumətinə ötürüb
ABŞ Ədliyyə Nazirliyi tərəfindən verilən məlumata görə, ABŞ ordusunun bir qrup hərbiçisi Çin hökumətinə məxfi hərbi məlumatları satmaq ittihamı ilə həbs edilib.
İttiham olunan şəxslər:
Serjant Jian Zhao: Vaşinqton ştatında yerləşən Lewis-McChord Bazasında xidmət edən batareya təminatıçısı . O, məxfi hərbi məlumatları əldə etmək və onları Çində yerləşən şəxslərə ötürmək üçün sui-qəsd qurmaqda, rüşvət almaqda və dövlət əmlakını oğurlamaqda ittiham olunur.
Leytenant Li Tian: Eyni bazada sağlamlıq xidmətləri inzibatçısı vəzifəsində xidmət edən leytenant. O, ABŞ ordusunun əməliyyat imkanları ilə bağlı həssas məlumatları, o cümlədən Bradley və Stryker döyüş maşınlarına aid texniki dataları toplayaraq, pul müqabilində Ruoyu Duan-a ötürməkdə ittiham olunur.
Ruoyu Duan: 2013-2017-ci illərdə ABŞ ordusunda xidmət etmiş keçmiş əsgər. O, Tian və digər şəxslərdən hərbi məlumatları alaraq, bunları Çin hökuməti ilə əlaqəli şəxslərə ötürməkdə ittiham olunur.
Jian Zhao ABŞ ordusuna məxsus HIMARS raket sisteminin və ABŞ-Çin münaqişəsi halında hərbi hazırlıq vəziyyəti ilə bağlı həssas məlumatları ötürməkdə ittiham olunur. O bunu 15000 dollar qarşılığında edib.
09:18 09.03.2025
Oxunuş sayı: 12733
