İlon Mask ABŞ rəsmiləri ilə mübahisə etdi
ABŞ dövlət katibi Marko Rubio və “SpaceX”in sahibi İlon Mask prezident Donald Trampın iştirakı ilə mübahisə ediblər. Mask Rubionu işçilərinin sayını azaltmadığı üçün tənqid edib. Buna cavab olaraq, dövlət katibi onu yalan danışmaqda ittiham edib. Mübahisə prezident Trampın müdaxiləsindən sonra dayandırılıb.
Crossmedia.az saytı xarici mediaya istinadən xəbər verir ki, İlon Mask nəqliyyat naziri Şon Daffi ilə də fikir ayrılığı yaşayıb. Daffi bildirib ki, DOGE hava dispetçerlərini işdən çıxarmağa çalışıb və o, bu qərarı dayandırmağa məcbur olub. Mask isə naziri yalan danışmaqda ittiham edib.
NYT qeyd edir ki, administrasiyanın əksər üzvləri hökumətdə islahatların aparılmasını və kadr ixtisarlarını dəstəkləsələr də, Maskın bu məsələyə yanaşmasını bəyənmirlər.
Zeynəb Yunuszadə
11:10 08.03.2025
Oxunuş sayı: 7476
