Nüvə silahlarının sayı artmağa davam edir - ŞOK RƏQƏMLƏR
Nüvə Silahlarının Ləğv Edilməsi üzrə Beynəlxalq Kampaniya istifadəyə hazır nüvə silahlarının sayının artmağa davam etdiyini bildirdi. 2024-cü ilin əvvəlində 9,585 olan nüvə silahı sayı 2025-ci ildə 9,604-ə yüksəldi.
Nüvə Silahlarının Ləğv Edilməsi üzrə Beynəlxalq Kampaniya (ICAN) tərəfdaşları ilə birlikdə nüvə silahlarının vəziyyətinə dair illik hesabatını açıqladı.
Hesabatda qeyd olunur ki, 2024-cü ilin əvvəlində 9,585 olan istifadəyə hazır nüvə silahlarının sayı 2025-ci ildə 9,604-ə yüksəlib: “Bu, 1945-ci ildə Hiroşimanı məhv edərək 140 min insanı öldürən 146,500 bombanın bir qədər artıqdır”.
Bu silahların 40%-nin yerləşdirildiyi vurğulanan hesabatda onların sualtılarda, quruda yerləşən raketlərdə və bombardman bazalarında dərhal istifadəyə hazır olduğu qeyd edildi.
Hesabatda köhnə nüvə başlıqlarının istifadədən çıxması səbəbindən BMT Nüvə Silahlarının Qadağan Edilməsi Müqaviləsinin (TPNW) 2017-ci ildə qəbul edilməsindən bu yana ümumi başlıq sayının azaldığına, lakin istifadəyə hazır 9,272 başlığın 2017-dən bəri artdığına diqqət çəkilir.
Rusiya və Şimali Koreyanın ötən il TPNW-yə zidd olaraq nüvə silahı istifadə etməklə hədələdiyi vurğulanır. TPNW-yə tərəf olan bəzi dövlətlərin nüvə silahlarının çəkindirilməsi ilə bağlı doktrinaya əməl etmədiyi qeyd edilən hesabatda bunun təhlükəli bir “təhlükəsizlik məntiqi” olduğu bildirilir.
9 ölkənin nüvə silahına malik olması və 34 ölkənin nüvə silahı olan ölkələrin gücünü “qalxan olaraq” istifadə etməsi silahsızlanmanın qarşısında maneələrdir. “Bunlar, TPNW-nin universallaşdırılması və tam nüvə silahsızlanma barədə razılığa gəlinməsi yolunda irəliləyişin qarşısında maneə yaradır”, - deyə hesabatda qeyd olunur.
Hesabatda TPNW-nin güc və təsir baxımından böyüməyə davam etməsinin müsbət bir inkişaf olduğu vurğulanaraq, İndoneziya, San-Tome və Prinsipi, Syerra- Leone və Solomon adalarının da 2024-cü ildə müqaviləni təsdiqlədiyi qeyd edilib.
Avropa ölkələrinin Nüvə Silahlarının Yayılmasının Qarşısının Alınması Müqaviləsinə (NPT) bağlı olmalarına baxmayaraq, nüvə silahsızlanma mövzusunda daha çox irəliləyişin qarşısında maneə olduğu bildirilib və Avropa İttifaqına bu məsələdə addımlar atmaq çağırışı edilib: “Nüvə silahlı dövlətlərin TPNW-yə qarşı müxalifətini buraxıb qlobal əksəriyyətə qoşulma zamanı gəldi”.
Hesabatda ICAN İcra Direktoru Melissa Park hesabatın nüvə silahları ilə bağlı mövcud problemi və nüvə ilə bağlı həlli ortaya qoyduğunu qeyd edib.
Park TPNW-ə artan beynəlxalq dəstəkdən bəhs edərək bildirib: “Bu, nüvə silahlarını qadağan edən, ədalətli və təsdiqlənə bilən silahsızlanmaya gedən yol təmin edən yeganə müqavilədir. Nüvə silahlı dövlətlərin və nüvə tərəfdarı müttəfiqlərinin bu müqaviləyə qarşı müxalifətini buraxıb qlobal əksəriyyətə qoşulma zamanı gəldi”.
Amerika Elm Adamları Federasiyasının Nüvə Məlumat Layihəsi direktoru Hans Kristensen də mövzu ilə bağlı açıqlama verib: “Ölkələr modernləşdikcə və bəzi hallarda silahlanmalarını artırdıqca, silahların nəzarəti və silahsızlanma cəhdlərində bir irəliləyiş olmadığı müddətcə bu artım meylinin davam etməsi gözlənilir”.
https://ordu.az/az/news/357016/nuve-silahlarinin-sayi-artmaga-davam-edir!
07:34 08.03.2025
Oxunuş sayı: 12827
