Britaniyanın İrandakı səfiri XİN-ə çağırıldı
Britaniya rəsmilərinin Tehranın krallığın daxili işlərinə qarışmaq cəhdləri ilə bağlı bəyanatlarından sonra Britaniyanın İrandakı səfiri Hüqo Şorter İran Xarici İşlər Nazirliyinə çağırılıb.
Bu barədə İranın “Mehr” xəbər agentliyi məlumat yayıb.
Məlumatda bildirilir ki, İran Xarici İşlər Nazirliyinin köməkçisi və Qərbi Avropa Departamentinin rəhbəri Əlirza Yusifi səfirlə görüşdə ona rəsmi nota təqdim edirək, Britaniyanı öz mövqeyinə yenidən baxmağa və İslam Respublikası və regiona aid məsələlərə daha konstruktiv yanaşmağa çağırıb.
Qeyd edək ki, martın 4-də parlamentdə çıxış edən Böyük Britaniyanın Təhlükəsizlik Naziri İrandan artan təhlükə barədə xəbərdarlıq edərək bildirib ki, “2022-ci ilin əvvəlindən Mİ5 (Böyük Britaniyanın təhlükəsizlik və əks-kəşfiyyat xidməti) Tehrandan Britaniya xalqı üçün potensial ölümcül təhlükə yaradan 20 plana cavab verib”.
20:14 07.03.2025
Oxunuş sayı: 9773
