200-ə yaxın təbrizli professor parlamentin ana dilində tədris planına qarşı çıxmasını tənqid edib
Təbriz universitetlərinin 190-dan çox professoru İran prezidenti Məsud Pezeşkiana məktub yazaraq, parlamentin məktəblərdə etnik dillərin tədrisi planını rədd etməsini, eləcə də hökumət rəsmilərinin həmin qanun layihəsinin icrasına qarşı çıxmasını kəskin qınayıb.
Etiraz məktubunda professorlar Məsud Pezeşkianın prezident seçkilərində verdiyi vədlərə, o cümlədən ana dilinin öyrədilməsinə və bu vədlər əsasında ona səs verdiklərinə toxunaraq yazıblar:
“Görülən tədbirlərin bu vədlərlə ziddiyyət təşkil etdiyini görürük. İraq və Əfqanıstanda türk dilinin tədrisinin rəsmiləşdirilməsinin şahidi olduq, İranda isə fars dilindən başqa etnik və yerli dillərin öyrədilməsinə qarşı çıxanlar var. İranda yerli dillərin məktəblərdə tədris edilməsi xalq arasında daha çox birlik yaradacaq”, - deyə, professorlar bildiriblər. (Amerikanın Səsi)
16:34 07.03.2025
Oxunuş sayı: 8603
