“Hraparak”: Ermənistan MN-də böhran var, Papikyan keçmiş hərbçilərə müraciət edir
Bu yaxınlarda Qaqik Mxeyan Ermənistan Baş Hərbi Komissarlığının rəisi vəzifəsini icra edən şəxs təyin edilib, onun sələfi Aren Sarkisyan da 2 ilə yaxın idi vəzifəsini icra edirdi və bu vəzifəyə təyin olunmadan öz xahişi ilə vəzifəsindən azad edilib.
Crossmedia.az xəbər verir ki, bu barədə Ermənistanın “Hraparak” nəşri yazıb.
Məlunatlara görə, Ermənistan Müdafiə Nazirliyində Sarkisyanın gözlənilməz gedişindən, xüsusən də Mxeyanın təyinatından məəttəl qalıblar.
“O, “keçmiş”lərin tərəfdarı kimi tanınır, Robert Köçəryanın hakimiyyətdə olduğu dövrdən Müdafiə Nazirliyində yüksək vəzifələrdə çalışıb, uzun illər Göyçənin hərbi komissarı olub, ölkənin baş hərbi komissarı olmaq arzusunda olduğunu öz çevrəsindən gizlətməyib. Müdafiə Nazirliyindəki mənbələrimizin verdiyi məlumata görə, Müdafiə Nazirliyində kadr böhranı özünü hiss etdirir. Təsadüfi deyil ki, son vaxtlar Papikyan sələflərinin dövründə seçilən hərbçiləri əsas vəzifələrə təyin edir”, - deyə nəşr bildirib.
Nəzrin Salmanova
14:06 06.03.2025
Oxunuş sayı: 7408
