Xarici xəbərlər

İsrail: 2025-ci il müharibə ili olacaq

İsrail Müdafiə Qüvvələrinin (İDF) yeni Baş Qərargah rəisi, general-leytenant Eyal Zamir cümə axşamı yüksək komandanlığa bildirib ki, 2025-ci il Qəzza və İrana fokuslanan müharibə ili olacaq, eyni zamanda digər cəbhələrə də diqqət yetiriləcək.

Crossmedia.az xəbər verir ki, bu barədə "The Jerusalem Post" qəzeti yazıb.

Nəşrin məlumatına görə, Eyal Zamir son illərdə İsrail ordusunun əsasən nisbi qələbə və ya çəkindirmə strategiyasına yönəldiyini bildirərək, "qələbə" konsepsiyasını əsas dəyər kimi ön plana çəkəcəyini qeyd edib.

Bundan əlavə, o, HƏMAS-ın əlində olan girovların geri qaytarılması üçün bütün səylərin səfərbər ediləcəyini bəyan etsə də, hələlik konkret siyasət dəyişikliyinin adını çəkməyib.

🖨 Çap et

12:54 06.03.2025

Oxunuş sayı: 1019