Tramp əslində kimdir, o Putinə işləyir?
Fevralın 28-də Ağ Evdə ABŞ Prezidenti Donald Trampla ukraynalı həmkarı Volodimir Zelenski ilə keçən gərgin görüşdən sonra Konnektikut ştatından senator Kris Mörfi CNN-ə bildirib ki, Tramp administrasiyası “Kreml üçün bir qola çevrilməkdədir”
Crossmedia.az xəbər verir ki, bu barədə xarici KİV yazıb.
Alyaska senatoru Liza Murkovski isə Ağ Evin “sanki Putini qucaqladığı” təəssüratını yaratdığını söyləyib.
Tramp isə bu iddialara sərt cavab verib. O, Ukraynanın torpaqlarını Rusiyaya verməyən yeganə ABŞ prezidenti olduğunu bildirib.
“Ukraynanın heç bir torpağını Putinin Rusiyasına verməyən yeganə prezident” olub və əlavə edib: “Bunu zəif və qeyri-effektiv demokratlar tənqid edəndə, saxta xəbər mediası isə onların dediklərini böyük həvəslə yayımlayanda unutmayın!”
Trampın bu açıqlaması ilə Krımın 2014-cü ildə, Barak Obamanın prezidentliyi dövründə Rusiya tərəfindən ilhaq edilməsinə və Ukraynanın Cozef Bayden administrasiyası dövründə müharibə nəticəsində ərazisinin 11%-ni itirməsinə işarə etdiyi güman edilir.
Nabat Fərzəliyeva
12:40 06.03.2025
Oxunuş sayı: 8999
