Xarici xəbərlər
Tramp HƏMAS-a son xəbərdarlıq etdi: “Girovları azad edin, yoxsa sonunuz gələcək”
ABŞ Prezidenti Donald Tramp radikal Fələstin hərəkatı HƏMAS-a son xəbərdarlıq edib. O, Qəzza zolağında saxlanılan bütün girovların dərhal azad olunmasını və öldürülənlərin cəsədlərinin qaytarılmasını tələb edib.
Tramp Truth Social platformasında yaydığı açıqlamada HƏMAS-a çağırış edərək, təşkilatın dərhal girovları sərbəst buraxmalı olduğunu bildirib. O, İsrailə HƏMAS-a qarşı mübarizədə tam dəstək verdiyini və təşkilatın heç bir üzvünün təhlükəsiz olmayacağını vurğulayıb.
Crossmedia.az saytı xarici mediaya istinadən xəbər verir ki, Tramp həmçinin HƏMAS rəhbərliyini Qəzzanı tərk etməyə çağırıb və bölgə sakinlərinə xəbərdarlıq edib:
"Qəzza sakinləri, sizi gözəl bir gələcək gözləyir, amma bu, yalnız girovları saxlamadığınız halda mümkün olacaq. Əgər girov saxlayırsınızsa, deməli, siz ölmüsünüz! İndi düzgün qərar verin – girovları azad edin, yoxsa ağır bədəl ödəyəcəksiniz!"
Tramp bunun HƏMAS-a son xəbərdarlıq olduğunu və İsrailin münaqişəni həll etmək üçün bütün lazımi addımları atacağını bildirib.
Zeynəb Yunuszadə
11:15 06.03.2025
Oxunuş sayı: 974
