ABŞ rəsmisi: "Zərurət yaranarsa, Çinlə müharibəyə hazırıq"
ABŞ rəsmisi Çinin artan iqtisadi və hərbi gücünün yaratdığı təhlükələri vurğulayaraq, ölkəsinin tariflərdən tutmuş hərbi qarşıdurmaya qədər bütün ssenarilərə hazır olduğunu bəyan edib.
Crossmedia.az xəbər verir ki, bu barədə xarici KİV yazıb.
"Sülh istəyirsənsə, müharibəyə hazırlaş" – deyə bildirən rəsmi, ABŞ ordusunun yenidən qurulduğunu və çəkindirmə qüvvələrinin gücləndirildiyini qeyd edib: "Əgər Çin və ya digər ölkələrlə müharibənin qarşısını almaq istəyiriksə, güclü olmalıyıq. Buna görə də biz ordumuzu modernləşdiririk və döyüş qabiliyyətimizi artırırıq".
Qeyd edək ki, ABŞ rəsmisi dünya siyasətində gərginliyin artdığını vurğulayıb və bildirib ki, böyük dövlətlər müdafiə xərclərini artıraraq ABŞ-i geosiyasi müstəvidən sıxışdırmağa çalışırlar: "Biz təhlükəli bir dünyada yaşayırıq. Müxtəlif ideologiyalara sahib, yüksələn güclü dövlətlər var və onlar ABŞ-nin mövqeyini zəiflətmək istəyirlər. Lakin biz bütün mümkün ssenarilərə hazırıq".
Xumar Əhmədova
10:58 06.03.2025
Oxunuş sayı: 966
