Cənubi Koreyada qırıcı səhvən yaşayış məntəqəsini bombaladı
Cənubi Koreyanın Pxoçxon şəhərində keçirilən hərbi təlim zamanı KF-16 tipli qırıcı səhvən yaşayış məntəqəsinə səkkiz ədəd MK-82 bombası atıb.
Crossmedia.az xəbər verir ki, bu barədə xarici KİV yazıb.
Hadisə nəticəsində yeddi nəfər xəsarət alıb, onlardan dördünün vəziyyətinin ağır olduğu bildirilib. Partlayışlar bir neçə yaşayış evinə və şəhərdə yerləşən bir kilsəyə ciddi ziyan vurub.
Qeyd edək ki, Cənubi Koreya ordusu insidentin səbəblərini araşdırmaq üçün təhqiqat başladıb. İlkin məlumata görə, qırıcının atış sistemi ilə bağlı texniki nasazlıq baş verib. Rəsmi qurumlar hadisə ilə bağlı ictimaiyyətə əlavə məlumat veriləcəyini bildirib. Hadisə regionda narahatlıq yaradıb və yerli sakinlər təhlükəsizlik tədbirlərinin gücləndirilməsini tələb ediblər.
Xumar Əhmədova
10:14 06.03.2025
Oxunuş sayı: 3088
