ABŞ: Ukraynadakı münaqişə vəkalət müharibəsidir
ABŞ-nin dövlət katibi Marko Rubio Ukraynadakı müharibənin əslində ABŞ və Rusiya arasında birbaşa olmasa da, dolayı yolla aparılan müharibə olduğunu etiraf edib.
Crossmedia.az xəbər verir ki, bu barədə Fox News məlumat yayıb.
Rubio bildirib ki, münaqişənin uzunmüddətli və çıxılmaz vəziyyətdə olduğu əvvəlcədən bəlli idi: “Əslində, bu, nüvə dövlətləri – ABŞ və Rusiyanın iştirakı ilə baş verən bir vəkalət müharibəsidir və müharibənin sona çatması vacibdir”, – deyə o vurğulayıb.
Onun sözlərinə görə, indiyə qədər həm Kiyev, həm ABŞ Konqresi, həm də digər ölkələr Ukraynaya “nə qədər lazımdırsa və nə qədər vaxt tələb olunursa” yardımların davam etdirilməsinin yetərli olduğunu düşünürdülər.
“Amma bu, strategiya deyil”, – Rubio əlavə edib.
Fatimə Məmmədova
10:32 06.03.2025
Oxunuş sayı: 8782
