ABŞ Ukraynaya hərbi yardımı məhdudlaşdırır
ABŞ-Ukrayna hərbi əməkdaşlığında yeni məhdudiyyətlər meydana çıxıb. Vaşinqtonun Kiyevə silah tədarükü ilə bağlı son qərarları Ukraynanın müdafiə imkanlarına ciddi təsir göstərə bilər. Xüsusilə, ABŞ administrasiyasının hərbi yardımı dayandırmaq barədə verdiyi göstəriş fonunda silah daşıyan təyyarələrin havada geri dönməsi və HIMARS sistemlərinin istifadəsi üçün vacib olan məlumat axınının kəsilməsi, Ukraynanın müdafiə qabiliyyətini zəiflədə biləcək addımlar kimi qiymətləndirilir.
Crossmedia.az xarici KİV-ə istinadla xəbər verir ki, ABŞ-nin Ukraynaya silah göndərən təyyarələri hərbi yardımın dayandırılması barədə göstərişdən sonra havada geri dönüb.
Bundan əlavə, ABŞ HIMARS sistemlərinin Ukraynada istifadəsi üçün vacib olan əsas kanalı da bağlayıb.
Bildirilir ki, bu məhdudiyyətlər Ukrayna Silahlı Qüvvələrinin uzaqmənzilli zərbələr üçün real vaxtda hədəf məlumatları və digər vacib kəşfiyyat informasiyalarını almasına mane olur.
Nigar Yahyazadə
08:45 06.03.2025
Oxunuş sayı: 11008
