İran XİN İngiltərəni əsassız ittihamlarla bağlı xəbərdar edib
İranın Xarici İşlər Nazirliyinin mətbuat katibi İsmayıl Bəqai, İngiltərə rəsmilərinin İranın bu ölkənin milli təhlükəsizliyini təhdid etməyə çalışması ilə bağlı irəli sürdüyü iddiaları əsassız hesab etdiyini bildirib.
Crossmedia.az İran mediasına istinadən xəbər verir ki, o, İngiltərəyə İrana və Qərbi Asiya regionuna qarşı qeyri-konstruktiv yanaşmaları dayandırmağa çağırıb.
Bəqai, İranın BMT Nizamnaməsi və beynəlxalq hüququn prinsiplərinə, xüsusilə də daxili işlərə qarışmama və qarşılıqlı hörmətə sadiq olduğunu vurğulayıb.
O, həmçinin İngiltərəni terrorizmi dəstəkləməkdən imtina etməyə və İran xalqına qarşı yanlış siyasətlərini dayandırmağa tövsiyə edib.
23:29 05.03.2025
Oxunuş sayı: 13017
