Livan prezidentindən İrana mesaj: "Fələstin bəhanə ola bilməz!"
Livan prezidenti Cozef Aun Qahirədə keçirilən sammitdə çıxış edərək ərəb ölkələrinin münaqişə bölgəsinə çevrilməməli olduğunu bildirib. O vurğulayıb ki, Fələstinə dəstəyin yolu müharibədən deyil, ərəb dünyasında sabitliyin qorunmasından keçir.
Crossmedia.az xarici KİV-ə istinadən xəbər verir ki, prezident İranın adını çəkmədən deyib: “Beyrut işğal ediləndə, Dəməşq dağıdılanda heç kim bu addımların Fələstinə dəstək məqsədilə edildiyini iddia edə bilməz. Livan artıq xarici təsir siyasəti üçün platforma olmamalıdır.”
Bu açıqlamalar, Hizbullahın müttəfiqi olan İranın Livandakı nüfuzunun artmasının tənqid edildiyi bir vaxtda səslənib.
19:01 05.03.2025
Oxunuş sayı: 9903
