Nazir: "İğdır-Naxçıvan qaz boru kəməri Naxçıvan və İğdır əhalisinin rifahına xidmət edəcək"
İğdır-Naxçıvan qaz boru kəməri layihəsi Naxçıvanın qaz təchizatını şaxələndirməklə yanaşı, həm Naxçıvan, həm də İğdır əhalisinin rifahına xidmət edəcək.
Crossmedia.az xəbər verir ki, bu sözləri energetika naziri Pərviz Şahbazov İğdır-Naxçıvan təbii qaz kəmərinin açılışı ilə bağlı keçirilən tədbirdə çıxışı zamanı deyib.
Onun sözlərinə görə, layihə bölgələrin gələcəkdə inkişafı üçün rol oynayacaq:
“Layihənin daha bir özəlliyi ondan ibarətdir ki, bu gün maksimum ötürmə gücü 730 milyon kubmetrdirsə, gələcəkdə layihənin genişləndirilməsi imkanları da var. Bununla yanaşı, bu layihədə əks istiqamətdə də qaz hərəkət edə bilər, bu, layihənin bölgə üçün böyük mənaya gəldiyini deməyə əsas verir. Mən fürsətdən istifadə edərək hörmətli Azərbaycan və Türkiyə prezidentləri İlham Əliyev və Rəcəb Tayyib Ərdoğana təşəkkür edirəm”.
18:37 05.03.2025
Oxunuş sayı: 1944
