Baş nazir: "Qrenlandiya satılmır və onu əldə etmək olmaz"
Qrenlandiya satılmır və onu əldə etmək olmaz.
Crossmedia.az Avropa KİV-ə istinadən xəbər verir ki, Qrenlandiyanın baş naziri Mute Egede ABŞ Prezidenti Donald Trampın son açıqlamalarına bu şəkildə cavab verib.
Tramp martın 4-də Konqresdəki çıxışında Qrenlandiyanı ABŞ-nin nəzarətinə götürməkdə maraqlı olduğunu yenidən təsdiqləyib.
"Qrenlandiya bizimdir. Biz nə amerikalı, nə də danimarkalı olmaq istəyirik, biz kalaallitlərik. Amerikalılar və onların lideri bunu başa düşməlidir", - Egede öz “Facebook” səhifəsində yazıb.
O vurğulayıb ki, Qrenlandiyanın gələcəyini qrenlandiyalıların özləri həll edir.
Tramp Konqresdəki çıxışında əmin olduğunu bildirib ki, Birləşmiş Ştatlar "hər nə olursa-olsun Qrenlandiyanı əldə edəcək". O, qrenlandiyalıları zəngin edəcəyinə və adanı "əvvəllər mümkün hesab etmədiyiniz yüksəkliklərə" qaldıracağına söz verib.
16:55 05.03.2025
Oxunuş sayı: 8761
