ABŞ ordusu Qırmızı dəniz üzərində pilotsuz təyyarə ilə əlaqəni itirib
ABŞ ordusu Qırmızı dəniz üzərində MQ-9 “Reaper” pilotsuz təyyarəsi ilə əlaqəni itirib. ABŞ Müdafiə Nazirliyinin (Pentaqon) sözçüsü Patrik Rayder təsdiqləyib ki, Pentaqon insidentin səbəblərini araşdırır.
Crossmedia.az xəbər verir ki, bundan əvvəl Yəmənin Ənsarullah hərəkatı kəşfiyyat və düşmənçilik missiyaları yerinə yetirən Amerikaya məxsus MQ-9 “Reaper” pilotsuz təyyarəsinin Əl-Hüdeydə əyaləti üzərində səmada vurulduğunu bildirib.
Hərəkatın bəyanatında vurğulanıb ki, bu, Qəzzədə müharibə başlayandan bəri Yəməndə məhv edilən 15-ci Amerika pilotsuz təyyarəsidir .
Ənsarullah hərəkatı həmçinin vurğulayıb ki, milli maraqların qorunması və istənilən təcavüzkar hərəkətlərə qarşı mübarizə üçün bütün lazımi tədbirləri görməyə davam edəcək. Hərəkat əlavə edib ki, Qırmızı və Ərəb dənizlərindəki vəziyyəti diqqətlə izləyir və istənilən yeni təhdidlərə cavab verməyə hazırdır .
14:12 05.03.2025
Oxunuş sayı: 7590
