Parlamentari: “İsrail istənilən an İranın nüvə obyektlərinə zərbə endirə bilər”
“İsrail istənilən an İranın nüvə obyektlərinə zərbə endirə bilər”.
Bunu Crossmedia.az-a geniş müsahibəsində Milli Məclisin deputatı Razi Nurullayev deyib.
O bildirib ki, İran hazırda çətin vəziyyətdədir: “ABŞ-da Donald Trampın hakimiyyətə gəlməsi ilə İranın vəziyyəti daha da gərginləşib. Tramp administrasiyasının birmənalı olaraq İsraili müdafiə etməsi o deməkdir ki, bu dövlət indi əvvəlkinə nisbətən daha güclüdür. Yəni İsrail istənilən an İranın nüvə obyektlərinə zərbə endirə bilər. Belə olan halda İranın tarixi qonşusu Azərbaycanla münasibətləri pisləşdirmək onun xeyrinə olmaz. İran Prezidenti Məsud Pezaşkianın Azərbaycanla bağlı səsləndirdiyi müsbət mesajlar ümid yaradır. Güman edək ki, belə də davam edəcək”.
Parlamentari vurğulayıb ki, ölkələr öz qonşuları ilə dost və qardaş olmalıdır: “Yeri gəlmişkən, Azərbaycan bütün qonşuları ilə xoş və bərabərhüquqlu münasibətlərdə maraqlıdır”.
Kənan Novruzov
Müsahibənin tam versiyasını aşağıdakı linkdən oxuya bilərsiniz:
https://crossmedia.az/az/article/20466
22:16 04.03.2025
Oxunuş sayı: 14113
