Zəngəzur dəhlizi açılır, yoxsa Paşinyanın növbəti yalanı?
Zəngəzur dəhlizi Azərbaycanın əsas hissəsi ilə Naxçıvan Muxtar Respublikasını birləşdirən strateji və hüquqi əhəmiyyətə malik layihə olaraq beynəlxalq gündəmi zəbt edir. Azərbaycan və Türkiyə bu layihənin reallaşması ilə bağlı birmənalı və prinsipial mövqelərini ortaya qoyublar. Lakin, Ermənistanın bu məsələyə münasibəti hələ də qeyri-müəyyəndir. Ermənistan rəhbərliyi müxtəlif dövrlərdə Zəngəzur dəhlizi ilə bağlı müxtəlif bəyanatlar versə də, bu fikirlərin reallıqla necə uyğunlaşacağı sual altındadır.
Məsələ ilə bağlı Crossmedia.az saytına açıqlama verən deputat Şahin İsmayılov Ermənistanın mövqeyinin hələ də qeyri-konkret olduğunu və Paşinyanın verdiyi bəyanatların gerçəkliklə uyğun gəlmədiyini qeyd edib. O, Azərbaycanın və Türkiyənin bu məsələdəki mövqeyinin qətiyyətli olduğunu vurğulayaraq, Ermənistanın bu layihəyə dair daha pragmatik yanaşma sərgiləməsinin, təkcə regionda sabitliyin təmin olunmasına deyil, həm də Ermənistanın iqtisadi inkişafına müsbət təsir edəcəyini ifadə edib.
İsmayılov bildirib ki, Paşinyan müəyyən dövrlərdə bu məsələyə dair müxtəlif fikirlər səsləndirsə də, bu bəyanatların heç biri gerçəkləşməmişdir. “Azərbaycan və Türkiyə bu məsələdə prinsipial mövqe sərgiləyirlər və bu mövqeləri heç bir halda dəyişməyəcək. Ermənistanın bu məsələyə daha praqmatik yanaşması həm regionun sabitliyini təmin edər, həm də ölkənin iqtisadi inkişafına müsbət təsir edər”, – deyə o əlavə edib.
Şahin İsmayılov, Ermənistanın qeyri-sabit siyasətini və Paşinyanın bəyanatlarının çox vaxt real vəziyyətlə uyğun gəlmədiyini vurğulayıb. "Paşinyan müxtəlif dövrlərdə müxtəlif fikirlər irəli sürüb, amma bu fikirlərin çoxu reallıqdan uzaq olub. Zəngəzur dəhlizinin gerçəkləşməsi üçün yalnız o zaman danışmaq doğru olar ki, layihə reallığa çevrilsin", – deyə bildirib.
Onun sözlərinə görə, Ermənistanın Zəngəzur dəhlizinin gerçəkləşməsi məsələsində daha konstruktiv və pragmatik yanaşma sərgiləməsi, təkcə ölkənin iqtisadi vəziyyətinə, həm də regionda uzunmüddətli sabitliyin təmin olunmasına müsbət təsir göstərəcək.
Nigar Yahyazadə
15:00 04.03.2025
Oxunuş sayı: 563
