İstanbul və Ankarada saxta spirtlə bağlı istintaq: 52 şübhəli həbs edilib
Türkiyənin ədliyyə naziri Yılmaz Tunc, İstanbul və Ankarada saxta spirtli içkilərin istifadəsi nəticəsində baş verən ölümlərlə bağlı aparılan araşdırmalar çərçivəsində 52 şübhəlini həbs edildiyini, 49 şübhəli haqqında isə məhkəmə nəzarəti qərarının verildiyini açıqlayıb.
Crossmedia.az türk mediasına istinadən xəbər verir ki, nazir sosial media hesabı vasitəsilə verdiyi açıqlamada, saxta spirtli içkilərlə bağlı Respublika Baş Prokurorluğu tərəfindən başlatılan məhkəmə araşdırmalarının diqqətlə davam etdirildiyini vurğulayıb.
O, bildirib ki, İstanbul və Ankarada aparılan istintaqlar çərçivəsində 24 şübhəli İstanbulda, 28 şübhəli isə Ankarada həbs olunub. Bundan əlavə, 39 şübhəli barədə məhkəmə nəzarəti qərarı çıxarılıb.
Saxta spirtli içkilərdən həyatını itirən şəxslərin sayının artması, bu hadisəni daha da ciddiləşdirib və hökumət tərəfindən ciddi tədbirlər görülməyə başlanılıb.
Nazir Tunc, saxta içkilərlə bağlı araşdırmaların müxtəlif istiqamətlərdə davam edəcəyini, hüquq-mühafizə orqanlarının bu cinayətlərin kökünü kəsmək üçün hərtərəfli iş aparacağını vurğulayıb.
Saxta spirtli içkilərdən zəhərlənənlərin və həyatını itirənlərin sayının artması, ölkədə bu məsələyə qarşı ciddi hüquqi tədbirlərin görülməsi zərurətini gündəmə gətirib. Həmçinin, ədliyyə naziri qeyd edib ki, bu cür hadisələrin qarşısının alınması üçün daha sərt cəzalar və güclü nəzarət tədbirləri nəzərdə tutulur.
İstintaq və araşdırmaların davam etməsi ilə bağlı daha çox məlumatın yaxın günlərdə veriləcəyi gözlənilir.
18:54 03.03.2025
Oxunuş sayı: 8302
