Yaxın Şərq

Druz liderləri İsrailə qarşı – Dəməşqdən açıqlama

Livan və Suriya Druzlarının lideri Valid Cumblatt İsrailin məzhəb fərqlərindən istifadə edərək bölgədə gərginliyi artırmaq istədiyini bildirib. O, Suriya siyasətçilərinin İsrailin bu şər planlarına qarşı duracağına inandığını vurğulayıb.

Cumblatt eyni zamanda müstəqil Fələstin dövləti qurulana qədər İsraillə sülh bağlanmasının əleyhinə olduqlarını və bu mövqelərini qoruyacaqlarını açıqlayıb.

Crossmedia.az xəbər verir ki, digər tərəfdən, Dəməşq Təhlükəsizlik Direktoru polkovnik-leytenant Hussam Tahan, Dəməşqin cənubundakı Caramana şəhərində dövlətə bağlı olmayan druz qruplarının bütün vasitəçilik səylərini rədd etdiyini bildirib. Onun sözlərinə görə, Suriya qüvvələrinin bölgəyə yeridilməsi, qətldə iştirak edənlərin təslim olmaqdan imtina etməsindən sonra baş verib.

Bu prosesin bölgədəki sabitliyi təmin etmək məqsədi daşıdığı vurğulanıb. Hazırda Suriya qüvvələri Caramana şəhərinə nəzarəti tam bərpa etmək üçün addımlar atır.

Pərvin Hacıyeva

🖨 Çap et

10:05 03.03.2025

Oxunuş sayı: 12147