Almaniya və Aİ-dən Ukraynaya dəstək mesajı
Almaniyanın xarici işlər naziri Annalena Berbok və Avropa Komissiyasının sədri Ursula fon der Lyayen Ukraynaya dəstək bəyanatları ilə çıxış ediblər.
Crossmedia.az bildirir ki bu barədə xarici KİV məlumat yayıb.
Annalena Berbok vurğulayıb ki, Almaniya və Avropadakı müttəfiqləri Ukraynanın yanındadır:
“Ukrayna tək deyil. Almaniya və Avropadakı müttəfiqlərimiz Ukraynanı və Rusiyanın təcavüzünə qarşı mübarizəni dəstəkləyir. Ukrayna Almaniyanın, Avropanın və digər ölkələrin sarsılmaz dəstəyinə arxalana bilər. Onların demokratiyanı qorumaq və sülhə, təhlükəsizliyə can atmaq istəyi bizim də istəyimizdir”.
Avropa Komissiyasının sədri Ursula fon der Lyayen isə Ukrayna xalqının fədakarlığını və mübarizəsini yüksək qiymətləndirib:
“Ukraynalıların cəsarəti və ləyaqəti bütün dünyaya nümunədir. Güclü, cəsur və qorxmaz olun. Siz heç vaxt tək deyilsiniz, hörmətli Prezident Zelenski. Biz ədalətli və davamlı sülh naminə sizinlə işləməyə davam edəcəyik”,-deyə o, bildirib.
Fidan Xəlilova
11:25 01.03.2025
Oxunuş sayı: 7952
