Zelenski: "Trampdan üzr istəməyəcəm, hakimiyyətdən gedə bilərəm"
Mən Trampa hörmət edirəm, amma mən düşünmürəm ki, mən nəsə pis bir şey dedim. Mən Trampa və ABŞ xalqına köməyə görə minnətdaram. Ukraynalılar hamıdan çox döyüşlərə son qoymaq istəyirlər. Heç kim bizdən çox müharibəni bitirmək istəmir. Mən sadəcə deyirəm ki, Putini dayandırmaq üçün ABŞ ilə eyni tərəfdə olmalıyıq.
Crossmedia.az xəbər verir ki, bu barədə Volodimyr Zelenski Fox News kanalına canlı müsahibə verib. Həmin müsahibəni sizə təqdim edirik:
-Mən 3 ildir mübarizə aparan insanların prezidenti kimi danışdım. Biz hərbi münaqişənin dayandırılmasına açığıq. Ancaq ukraynalıların ruslara münasibətini dəyişə bilmərəm. Bizi öldürürlər. Onlar bizim düşmənlərimizdir. Reallıqdan xəbərdar olmalıyıq. Biz nizamlanmadan əl çəkmirik, hamımız birlikdə masa arxasına əyləşməliyik, amma güclü mövqe ilə, tərəfdaşlarımızla - Avropa və təhlükəsizlik təminatları ilə birlikdə. Biz qalıq yanacaqlarla bağlı saziş imzalamalıyıq, buna hazırıq. Bu, təhlükəsizlik təminatına doğru ilk addım olacaq. Sülh təkcə müharibənin olmaması deyil. Bizə Rusiya Federasiyası tərəfindən pozulacaq atəşkə yox, uzunmüddətli sülh lazımdır. Mən hakimiyyətdən gedə bilərəm. Amma bunu yalnız Ukrayna xalqı qərar verəndə edəcəm.Mən sadəcə əsgərlərə deyə bilmərəm dayanın. Mən desəm belə, onlar dayanmayacaq.Təəssüf ki, Rusiyanı Ukraynadan çıxartmaq üçün kifayət qədər silahımız yoxdur. Mən ABŞ ilə yaxşı tərəfdaşlıq münasibətlərinin itirilməsini istəmirəm.Bizim heç bir milyon itkimiz yoxdur.Mənim Trampla münasibətimi hələ yoluna qoymaq mümkündür. Əgər kimsə bizə göndərilən vəsaiti yoxlamaq istəsə, buna açığıq.Bu gün baş verənlər etiraf edirəm ki, iki tərəfin də maraqlarına uyğun deyil. Mən ABŞ-dəki böyük tərəfdaşlarımızı itirmək istəmirəm.Həqiqətən də indi çox çətin dövrdəyik və vəziyyətdəyik. Bundan sonra nə olacaq həqiqətən də bilmirəm. Trampın milyonlarla itki, ələ keçirilən ərazilər, diktator və s. İfadələri ABŞ və Ukrayna arasındakı dostluğu şübhə altına alır. Ukrayna üçün ABŞ dəstəyi olmadan Rusiyaya qarşı mübarizə aparmaq olduqca çətin olacaq.Biz ABŞ-dan 100 milyard dollar yardım aldıq və onun necə xərcləndiyinin yoxlanılmasına hazırıq.
-Əgər sizin Ağ Evə qayıtmaq imkanınız olarsa qayıdarsınızmı?
-Xeyr. Trampdan üzr istəməyə ehtiyac duymuram. Mən prezidentə hörmət edirəm, Amerika xalqına da hörmət edirəm və düşünürəm ki, biz çox açıq və çox dürüst olmalıyıq və pis bir şey etdiyimizə əmin deyiləm. Düşünürəm ki, demokratiyaya və azad mediaya hörmətlə yanaşaraq mediadan kənarda müzakirə etməli olduğumuz bəzi şeylər var. Tramp bizi masaya oturtmaq üçün ortada olmaq istəyir. Amma düzünü deyim - mən onun daha çox bizim tərəfimizdə olmasını istəyirəm. Müharibə ölkələrimiz arasında başlamadı. Müharibə Rusiya onu ölkəmizə gətirəndə başladı, ərazi bütövlüyümüzə hörmət etmədilər. Tramp güc yolu ilə sülhdən danışıb. O qeyd edib ki, ümumi düşmənə qarşı vuruşan amerikalıları öz tərəfində görmək istəyir. Mən də bunu istəyirəm.
Nəzrin Salmanova
11:10 01.03.2025
Oxunuş sayı: 23238
