Türkiyə və Pakistan arasında 24 saziş imzalandı
Türkiyə Prezidenti və Pakistan Baş Naziri arasında keçirilən görüşlərin nəticəsində iki ölkə arasında 24 mühüm saziş imzalanıb. Bu sənədlər ticarət, energetika, müdafiə, səhiyyə, elm, mədəniyyət və digər sahələrdə əməkdaşlığın inkişafını nəzərdə tutur.
Crossmedia.az xəbər verir ki, ölkələr qarşılarına 5 milyard dollarlıq ticarət dövriyyəsinə çatmaq məqsədi qoyublar. İmzalanan sazişlər aşağıdakılardır:
1. Hərbi və mülki personalın sosial və mədəni məqsədlərlə mübadiləsinə dair Protokol
2. Hərbi Hava Qüvvələrinin radioelektron mübarizə sahəsində əməkdaşlığına dair Anlaşma Memorandumu
3. Hərbi səhiyyə sahəsində təhsil və əməkdaşlığa dair Protokol
4. Karbohidrogenlər sahəsində əməkdaşlıq haqqında Sazişə dəyişikliklər edilməsi barədə Protokol
5. Enerji transformasiyası sahəsində əməkdaşlığa dair Anlaşma Memorandumu
6. Mədən sənayesi sahəsində əməkdaşlığa dair Anlaşma Memorandumu
7. Malların ticarətinə dair Sazişin inkişafı haqqında Birgə Bəyanat
8. Mənşə sertifikatlarının təsdiqlənməsinin rəqəmsallaşdırılması sahəsində Anlaşma Memorandumu
9. Su ehtiyatları sahəsində əməkdaşlığa dair Saziş
10. Toxumçuluq sahəsində əməkdaşlığa dair Saziş
11. Normativ metrologiya infrastrukturunun yaradılması sahəsində Anlaşma Memorandumu
12. TÜBİTAK və Pakistan Milli Tekstil Universiteti arasında Pakistan-Türkiyə Tekstil Texnologiyaları Mərkəzinin texniki dəstək və inkişafına dair Anlaşma Memorandumu
13. Turk Eximbank və Pakistan Eximbank arasında Anlaşma Memorandumu haqqında Bəyanat
14. Sənaye mülkiyyəti sahəsində əməkdaşlığa dair Anlaşma Memorandumu
15. Dini xidmətlər və dini təhsil sahəsində əməkdaşlığa dair Anlaşma Memorandumu
16. Halal ticarət sahəsində əməkdaşlığa dair Anlaşma Memorandumu
17. Türkiyə Respublikası Mərkəzi Bankı və Pakistan Dövlət Bankı arasında əməkdaşlığa dair Anlaşma Memorandumu
18. İctimaiyyətlə əlaqələr və kommunikasiya sahəsində əməkdaşlığa dair Anlaşma Memorandumu
19. KİV və kommunikasiya sahəsində əməkdaşlığa dair Anlaşma Memorandumu
20. Səhiyyə və əczaçılıq sahəsində əməkdaşlığa dair Anlaşma Memorandumu
21. Turkish Aerospace Industries (TAI) və Pakistan Dəniz Tədqiqat və İnkişaf İnstitutu (NRDI) arasında Anlaşma Memorandumu
22. Türkiyə Müdafiə Sənayesi İdarəsi və Pakistan Müdafiə İstehsalı Nazirliyi arasında Anlaşma Memorandumu
23. Audiovizual xidmətlərin birgə istehsalına dair Saziş
24. Mədəni əməkdaşlığa dair Saziş
Bu sazişlər Türkiyə və Pakistan arasında strateji tərəfdaşlığın güclənməsinə və iki ölkə arasında əməkdaşlığın daha da inkişaf etməsinə töhfə verəcək.
09:17 25.02.2025
Oxunuş sayı: 2819
