Bağınızdakı bu əlamətə diqqət edin: Payızda təhlükə artır
Qazonun üzərində sarı ləkələrin yaranması, çiçək və tərəvəzlərin səbəbsiz solması torpağın altında bitki kökləri ilə qidalanan zərərvericilərin olmasına işarə edə bilər. Mütəxəssislər bu problemlə mübarizəni yaza saxlamağı məsləhət görmürlər.
Crossmedia.az xəbər verir ki, “Wirtualna Polska” bu barədə məlumat yayıb.
Söhbət may böcəklərinin sürfələrindən gedir. Krem-ağ rəngli, əyri formalı bu sürfələrin baş hissəsi daha tünd olur. Onlar qazon otlarının, çoxillik çiçəklərin və tərəvəzlərin köklərini gəmirərək bitkilərin zəifləməsinə və qurumasına səbəb olurlar.
Xüsusilə ikinci ilini yaşayan sürfələr daha təhlükəli hesab olunur. Payızda onlar qışa hazırlaşmaq üçün daha çox qidalanırlar. Bu səbəbdən həmin dövrdə bağ və qazonlarda zərər daha geniş yayıla bilər.
Məqalədə qeyd olunur ki, problem vaxtında aradan qaldırılmasa, yazda zərər daha da arta bilər. Torpaq əriməyə başlayan kimi sürfələr köklərlə qidalanmağa davam edir. Nəticədə qazonun qurumuş hissələri torpaq qatı ilə birlikdə asanlıqla qopa bilər.
18:55 25.10.2026
Oxunuş sayı: 53
